خليت
شـــــــــــــــــــن خليـــــــــت = كبدى و روحى والعيــون خذيت
أنريد ننشدك بالله
شـــــــــــن عقــــــبت = قلــبى ونبضى والكنـين سلبت
حتى النفس والروح ما هلبت = شلت النظر والصوب فيك بلـيت
ساكن جواجى العقل فيك كتبت = كــل القصايد يا جميل الصيت
فى غيبتك ساعة أدموع سكبت = لو غبت عنهن يوم را انعــميت
***
شـــــــــــــــــــن ما جــــــــــــاك = خلف تمكن فى الكنين غلاك
ياحــــلم في زينك أتقول ملاك = يالخايله في الزين ما كفــيت
يالـرايعه فى روعتك محلاك = يام الميـــــامى سود وامفاليت
يام الجدايل ع الكتوف احذاك = عاشق صحيح انقولها حـــبيت
***
انريد ننشدك ع الشــــــوق = انريد ننشدك ع الحب والمعشوق
انريد ننشرك بالك امعاى اتـروق = وفى فاهقى يامـا اللى واريت
عندى مشاعر شــذيها مطلوق = هدت على ساسك لها حنيــت
ياللى الحــنين امعاك بلسم ذوق = لـو عام نوصف فيك ما وفيــت
شــــــــــــــــــــــــــــن خليـــــــــت = كبدى و روحى والعيــون خذيت
أنريد ننشدك باللهياصاحبى ماهناك من نشكيله = قل الوفاء أتخلف حياة ذليله...بالله انتصح
ياصاحبى رد بالك= ما ايغربك هاللى ضحك فى اقبالك
ايجى من وراء يطعن ايبهدل حالك= يقلب حياتك بين يوم وليله
و يا صاحبى مانريد شى يجرالك = كيما جرالى وما القيت وسيله
خوذ الكلام ودوسهم بانعالك ... وراهى النصيحه فيك موش قليله
***
ما تغلبــــهم = هم يمكرو والله هو غالبهم
اولاد الحرام راهو خبيث نسبهم= بذره من الشيطان فيهم ميله
والصدق ما ايقرب على مخطبهم = ولاهم اولاد ا جواد لاهم عيله
ايقولو كلام وفى الخفاء مطلبهم = اتطيح طيحه ما الهاش مثيله
ويا صاحبى خايف عليك كلبهم = والغدر فيهم والنفوس رزيله
***
اتجيب الــــعار = صحبة مثايلهم امغير دمار
لا الراس ترفع لا اتجيب فخار = ما يعرفوا غير الكذب والحيله
كثيرين دارو دورة البذار = يزرع قعر وادى امهدر سيله
اصبح متحصر امع الافجار = وايلوم روحه والدموع نهيله
ويا صاحبى واف صحبتك تختار = طبع الوفاء فيهم صفات جميله
***
يا صاحبى رانى عليك خايف = ان خالطتهم تنزل انزال ردايف
ايجنك مصايب شايلات ستايف = هم خففوا وانت اتشيل ثقيله
يبرم عليك الوقت تبقى صايف = وتعرف الراجل من عقاب اعويله
وما بينا لا ارواق ولا الكلايف = حتى الميه راه اتروب قليله
هذا اف طبايعهم وانتا شايف = الا الكلب ما عمره تعدل ذيله
***
الشكـــــــــــــــــــــــوى لربى = يا صاحبى ما نى عليك امخبى
حقك عليا وعارفك متـــــــــربى = لكــــــــــن امعا الانذال مالك حيله
نصحتك لوجه الله فيك وحبى = ولا العيب ترضى ولا الحياه الهزيله[/center]
موضوع: اشعار ومسجات 
الأربعاء ديسمبر 16, 2009 2:51 pm
